Сунъий интеллектдан фойдаланган ҳолда генератив видеотехнологияларга ихтисослашган Genmo компанияси Mochi 1 моделининг тадқиқот версиясини эълон қилди. Бу матн асосида юқори сифатли видеоларни яратиш учун мўлжалланган очиқ дастурий ечимдир. Компаниянинг таъкидлашича, Mochi 1 ўз самарадорлиги бўйича Runway’нинг Gen-3 Alpha, Luma AI’нинг Dream Machine, Kuaishou’s Kling ва бошқа етакчи моделлар билан рақобатлаша олади.

Mochi 1 – видео яратиш учун ўз турида биринчи очиқ кодли моделдир. Apache 2.0 лицензияси остида фаолият кўрсатувчи ушбу сервис видео яратишда кучли имкониятлардан бепул фойдаланишни таклиф этади. Hailuo Unlimited каби Mochi 1 рақобатчилари ойига 94,99 доллардан пуллик тарифларни таклиф қилса, янги модель бепул муқобилни тақдим этмоқда.

Ҳозирча фойдаланувчилар 480p аниқлик даражасини қўллаб-қувватлайдиган модель билан ишлашлари мумкин. Mochi 1 HD – юқори аниқликдаги версия йил охирига қадар ишга туширилиши кутилмоқда. Хабарда айтилишича, дастлабки синовларда модель одамлар иштирокидаги видеоларни яратишда реалистик ҳаракатлар ва матнли кўрсатмаларга аниқ риоя қилишни хусусиятини намойиш этган.